Kylie Padilla composes a song about Aljur Abrenica; settles issue with Kris Bernal

Excited si Kylie Padilla sa pagsisimula ng bagong primetime series niya sa GMA-7, ang Haram, katambal si Dingdong Dantes.

Maselan ang paksa ng seryeng ito na tumatalakay sa pagmamahalan ng isang sundalong Kristiyano, na gagampanan ni Dingdong, at ng isang babaeng Muslim, na si Kylie naman ang gaganap.

Nung inilahad kay Kylie ang kuwento ng gagawin nila ni Dingdong, kaagad daw siyang nagtanong sa kanyang ama na si Robin Padilla kung paano ito gawin.

“Nung una, nagtatanong siya, ‘Anak, maghi-hijab ka ba diyan?’

“Ang dami niyang tinatanong kasi iniingatan din po niya. Kasi ang Islam is very sensitive po," sabi ng young actress sa PEP.ph (Philippine Entertainment Portal) sa press conference ng Haram nitong Biyernes, September 14.

Ang “hijab" ay ang belo na isinusuot ng mga babaeng Muslim upang takpan ang kanilang buhok at leeg.

Ayon pa kay Kylie, marami siyang research na gagawin para maging kapani-paniwala ito at walang may magre-react o magagalit na kapatid na Muslim.

DINGDONG DANTES. Bukod dito, ang isa pa sa iniisip ni Kylie ay ang pagtatrabaho nila ni Dingdong.

“Double D" ang tawag niya sa aktor na kaagad naman daw niyang nakapalagayan ng loob.

Nung una raw ay takot na takot siya, pero natutuwa siya dahil napakabait daw ni Dingdong sa kanya at suportado siya nito nang husto.

Hindi maiwasang maintriga sila at baka mauwi sa selosan, pero tinitiyak ni Kylie na walang ganung intriga dahil napakabait din daw sa kanya ng “Ate Marian" niya.

Si Marian Rivera ang girlfriend sa totoong buhay ni Dingdong.

KRIS BERNAL. Nang tanungin naman siya tungkol kay Aljur Abrenica, napangiti si Kylie.
Wala rin daw selosan sa panig ng young actor dahil nagkakaintindihan daw silang hiwalay ang personal na isyu sa kanilang trabaho.

Abala na rin si Aljur sa pagsisimula ng Coffee Prince, ang primetime series na pagtatambalan nila ni Kris Bernal.

Nilinaw na rin ni Kylie ang isyu nila na nagseselos daw siya kay Kris.

“Hindi po ako nagseselos!" natatawang sabi niya.

“Napapanood ko na sila dati. Fan nila ako.

“Yung sa amin ni Aljur, walang halong showbiz iyon. That was personal.

“So, huwag na lang nilang ihalo."

Pero inamin ni Kylie na nagkaroon sila ng gap noon ni Kris.

“Nung una, oo, merong ganun, pero okay na po kami ngayon," sabi niya.

Pero ngayon ay okay na raw sila ni Kris, at nagkaayos na sila sa pamamagitan ng Twitter.

ALJUR ABRENICA. Sa napapansin namin, mas open na ngayon si Kylie sa pagkukuwento tungkol sa namamagitan sa kanila ni Aljur.

Naghahanda nga raw siya ngayon para sa kauna-unahan niyang album at ang gusto ni Kylie, sarili niyang komposisyon ang nakapaloob na mga kanta rito.

Marami na raw siyang naisulat na kanta, kaya tinanong ng PEP kung meron ba siyang nagawa para kay Aljur.

Natawa ito dahil meron daw siyempre, at isa sa linya ng kantang iyun at halatang kay Aljur ito tinutukoy.

“Ang lines, ‘As the season change, all of my favorite days I love it cause it’s quiet and it’s cold.

“’But I love it most cause it starts with A.’"

Natatawang sabi pa ni Kylie, “Alam niyo na! Ayokong sabihin!"

Napasagot siya ng “yes" nang sinundan namin ng tanong kung para nga ba ito kay Aljur.

Tinanong uli namin kung alam na ba ito ni Aljur.

“Hindi, malalaman na niya ngayon," sagot uli ni Kylie na natatawa na naman. -- Gorgy Rula, PEP

source: gmanetwork.com

Dingdong, Aljur, at Rocco: Top 3 Kapuso centerfolds ng Cosmopolitan magazine

Napili ng Cosmopolitan Philippines editor-in-chief na si Myrza Sison sina Dingdong Dantes, Aljur Abrenica, at Rocco Nacino bilang top 3 Kapuso centerfolds ng kanilang magazine.

Sa panayam kay Myrza ng StarTalk TX nitong Sabado, sinabi nitong binalikan ng Cosmo team ang centerfolds nitong nakaraang sampung taon mula nang magsimula ang kanilang Bachelor's Issue at napili niya ang tatlong Kapuso bilang kaniyang paborito.

Tuwing Setyembre, naglalabas ang naturang magazine ng isang centerfold issue kung saan tampok ang mga napiling hunks mula sa industriya bilang sexiest Bachelors ng taon.

Dingdong Dantes: 'nasa kanya na ang lahat'

Si Dingdong ang ideal na leading man dahil tila nasa kanya na ang lahat, ayon kay Myrza.

Inilarawan niya ang Kapuso hunk bilang tall, handsome, edukado, at magaling na aktor.

Nagkaroon din ng malaking impak ang aktor nang mapasama siya sa isang feature ng E! News ukol sa Top 10 Sexiest Man poll.

Ayon pa kay Dingdong, "Na-surprise ako that until now naalala pa niya iyon and she sees me that way."

Nagpasalamat din ang aktor sa karangalang ibinigay sa kanya ng Cosmopolitan PH EIC.

Iginiit din ng aktor na hindi lang sa panlabas na anyo ang batayan ng pagiging isang "hunk."

Aniya, "Para sa akin ang pagiging hunk ay hindi lang sa pampisikal na kaanyuan o panglabas na kaanyuan."

"’Pag sinabi mong hunk, eh, encompasses total manhood. Kapag sinabi mong manhood masasabi mong may tunay na paninindigan sa kanyang salita," saad niya.

Aljur Abrenica: may homegrown appeal

Sa parehong panayam, inilarawan ni Myrza si Aljur bilang isang hunk na may "homegrown appeal."

Pinoy na Pinoy raw ang sex appeal ng Survivor alumnus na taliwas sa karamihan ng ibang hunks sa bansa na may dugong dayuhan.

Dagdag pa ni Myrza, sinabi rin ng isang Cosmo staffer na "he has the face of a gentleman, but a body made for sin."

Ayon naman kay Aljur, isang malaking papuri raw para sa kanya ang masabihang Pinoy na Pinoy.

Aniya, "I feel honored na isa ako sa napili na favorite nila. Hindi pa ganon kaganda ‘yong katawan ko, binansagan na nila [Cosmopolitan] akong hunk talaga."

"Simula noon, ‘yon ang isa sa mga inspirasyon ko na ma-pursue na mapanagutan ko ‘yong title na binigay sa akin ng GMA," diin niya.

Rocco Nacino: intense Pinoy appeal

Magaling na aktor na may intense at "homegrown" Pinoy appeal ang paglalarawan ni Myrza sa Kapuso hunk na si Rocco.

Kaya naman ikinatuwa ng aktor nang malaman nitong kabilang siya sa Top 3 Kapuso centerfold hunks na pinili ng naturang magazine.

Ayon kay Rocco, "Of course very flattering na nakasama ako doon sa list ng Top 10 hunks sa Cosmo by Ms. Myrza. Ngayon mas motivated na ako ngayon para magbigay ng magandang performance para sa mga audience."

"To be honest, ‘yong katawan ko hindi siya ganon ka-perfect ['di tulad] nang ibang hunks na meron tayo [sa bansa]. Pero sa tingin ko, just feeling confident about myself at ‘yong feeling na I can be myself, be someone na ganito si Rocco," diin nito. –Mac Macapendeg/KG, GMA News

source: gmanetwork.com