Pagkatapos ng halos dalawang taon na pagsasama, naghiwalay na si Heart Evangelista at si Daniel Matsunaga.
Nakapanayam ng Showbiz Central (SC) noong Linggo (Abril 29, 2012) si Daniel, at ito ang kanyang naging pahayag ukol sa kanilang hiwalayan:
“Well, maybe, you know, maybe the distance was one of the big fact[or] in our lives. Because you know we were not expecting that,” wika ni Daniel.
“There were a lot of things around us. There were a lot of problems and because of such small things we, everybody fights, ‘di ba?
Ngunit hindi naiwasang mahirapan ang dalawa sa distansiya nila at naging dahilan ito ng kanilang hiwalayan.
Nasa Pilipinas si Heart at nasa Brazil naman si Daniel para magbakasyon at para makasama ang pamilya.
Ayon pa kay Daniel, “We only had hard time communicating, because I went, I left for one month to Brazil and we had a hard time communicating through phone, Skype.”
“You know, the connection there is too long. The distance is too big,” aniya.
Dahil sa hirap ng komunikasyon, napag-usapan nila na makabubuti sa kanilang dalawa ang paghihiwalay.
“We spoke. We agreed. You know, that was the best for the relationship,” paliwanag ni Daniel.
Magkaibigan pa rin
Bagama't naghiwalay na ang dalawa, mananatili namang magkaibigan ang dating magkasintahan.
Nagkita muli ang dalawa noong Linggo sa set ng Party Pilipinas at hindi raw maiwasang magkaroon ng kaunting ilangan sa pagitan ng dalawa.
Ayon kay Daniel, manananatili naman silang magkaibigan dahil sa lubos na respeto nito kay Heart.
Aniya, “She’s a great person. I have nothing to say against Heart. I mean everybody knows I love Heart so much. And I’m sure we’re always gonna be friends, you know. It’s not like our relationship had to stop right there.”
Espesyal pa rin si Heart para kay Daniel at siniguro naman nito na mananatiling pareho ang pagkakaibigan ng dalawa at hindi magbabago ito kahit hiwalay na sila.
Mga personal na dahilan
Nilinaw din ni Daniel ang mga batikos kay Heart sa umano’y pagiging “nagger” nito.
“That’s not true for sure. I don’t know the reason why and for sure, she doesn’t know also. And it is really our personal thing,” sabi niya.
Hindi ito ang rason ng kanilang hiwalayan, paliwanag ni Daniel.
Noong itinanong naman si Daniel kung totoo bang may “temper” siya, ito ang kanyang naging sagot:
“Well, of course I’m not the happiest person all the time. You know you can see me of course; I’m [a] very very friendly guy.
“I don’t know where they got it. That I have temper. Maybe of course I have, like once in a month or something.
“I get stressed or something. We have a problem of course but I never throw that on anybody.”
Maliban dito, nilinaw rin niya na hindi ang mga magulang ni Heart ang naging dahilan ng kanilang hiwalayan.
Trabaho kasama si Heart
Noong itinanong ni Raymond Gutierrez sa SC kung nais pa ba niyang makatrabaho ang aktres pagkatapos ng hiwalayan, ito ang naging sagot ni Daniel:
“Oo naman. No problem, you know. I love to learn more with her. Why not?”
Hindi naman dito natatapos ang lahat para kay Daniel.
Ngayong nandito na siya muli sa Pilipinas, magpapatuloy siya sa pagsali sa mga workshop at sa pag-aaral niya ng Tagalog at magfo-focus siya sa kanyang sarili. –Mac Macapendeg/KG, GMA News
source: gmanetwork.com
